მემკვიდრეობითი კიბოს სინდრომი არის გენეტიკური მიდრეკილება გარკვეული სახის კიბოს მიმართ, რომელიც ხშირად იწყება ადრეულ ასაკში, რომელიც გამოწვეულია მემკვიდრეობითი პათოგენური ვარიანტებით ერთ ან რამდენიმე გენში. მემკვიდრეობითი კიბოს სინდრომების უმეტესობა ავლენს აუტოსომურ დომინანტურ მემკვიდრეობას. ქალთა კიბოსთან დაკავშირებული ყველაზე გავრცელებული მემკვიდრეობითი კიბოს სინდრომები მოიცავს მემკვიდრეობითი სარძევე ჯირკვლისა და საკვერცხის კიბოს სინდრომს, ლინჩის სინდრომს, ლი-ფრაუმენის სინდრომს, კაუდენის სინდრომს, პეუტც-ჯეგერსის სინდრომს და კუჭის მემკვიდრეობით დიფუზურ კიბოს.

ყველა ქალმა, ვისაც აქვს ადრეული ასაკის (50 წლამდე) ძუძუს და/ან საკვერცხის კიბოს პირადი ისტორია ან ადრეული ასაკის კიბო აღენიშნებათ მათი პირველი რიგის ნათესავებს, სასურველია რომ გაიარონ გენეტიკური კონსულტაცია და კობოს გენეტიკური სკრინინგი. ასევე ენდომეტრიუმის ან მსხვილი ნაწლავის კიბოს მქონე ყველა ქალი უნდა შეფასდეს მემკვიდრეობითი კიბოს სინდრომის არსებობაზე.

მემკვიდრეობითი კიბოს რისკის შეფასება არის გასაღები იმ პაციენტებისა და ოჯახების იდენტიფიცირებისთვის, რომლებიც შეიძლება იმყოფებოდნენ გარკვეული ტიპის კიბოს განვითარების რისკის ქვეშ.

დღეს უკვე შესაძლებელია მემკვიდრეობითი კიბოს სინდრომის რისკების დადგენა ახალი თაობის სექვენირების მეთოდით. რომელიც ადამიანის გენომში „პოულობს“ მუტაციურ გენებს, რომლებიც დაკავშირებული არიან ამა თუ იმ ქსოვილის ავთვისებიან განვითარებაზე ანუ კიბოზე.

მომხმარებელს შეუძლია ჩაიტარის მემკვიდრეობითი კიბოს სკრინინგი ჯანდაცვის პროვაიდერის ჩართვის გარეშე. ამისთვის საკმარისია გენეტიკური მასალი (ნერწყვის) მიწოდება პროფილური ლაბორატორიისთვის. მაგრამ გასათვალისწინებელია რომ შეიძლება საკმაოდ რთული იყოს გენეტიკური ტესტების შედეგების ინტერპრეტაცია ექსპერტის ჩარევის გარეშე. რადგან

დადებითი შედეგი არ უტოლდება კლინიკურ დიაგნოზს და არც კიბოს განვითარების აუცილებლობას. ტესტის დადებითი შედეგი მიანიშნებს გენეტიკურად განპირობებული კიბოს განვითარების რისკს. რისკის შეფასება და მართვა კი ექსპერტის რეკომენდაციებით უნდა მოხდეს.

სამედიცინო ცენტრი ლაბუნო თანამშრომლობს ამერიკულ სამედიცინო კორპორაციასთან Color Health, სადაც იგზავნება ნერწვის ნიმუში გენეტიკური სეკვენირებისათვის. 60 გენის შესწავლის შედეგად შესაძლებელია 8 სახის მემკვიდრეობითი კიბოსა და გულსისძარღვთა სისტემის 4 გენეტიკურად განპირობებული პათოლოგიის რისკის დადგენა.